AN MAYA HAIFUWARKA?

Dukkan wanda yake so ya je sama gidan Allah

“dole ne a sake haifuwarsa.”

Ubangiji Yesu ya ce:

“Hakika, hakika ina fada maku, in ba a sake haifuwar mutum ba,

ba za ya iya shiga cikin mulkin Allah ba.” (Yohanna 3:3)

Kamar yadda ka sami rai na jiki

lokacin da aka haife ka cikin duniyar nan,

haka nan dole a sake haifuwarka kafin ka sami

rai na ruhaniya — Ruhun Allah —

domin ka ji dadin abubuwa na Allah da kuma sama.

Ka kasa kunne ga wadannan kalmomi na Yesu Kristi:

“Hakika, ina gaya maka,

in ba an haifi mutum ta ruwa da ta Ruhu ba,

ba zai iya shiga Mulkin Allah ba.

Abin da mutum ya haifa mutum ne,

abin kuma da Ruhu ya haifa ruhu ne.

Kaka ka yi mamaki domin na ce maka,

‘Dole a sake haifarka.’”

(Yohanna 3:5–7)

Maya haifuwa — haifuwa ce ta ruhaniya.

Lokacin da aka haife mu cikin wannan duniya,

mun yi gadon halin zunubi na iyayenmu.

A cikin Littafi Mai Tsarki an bayyana cewa

mun “mutu cikin zunubanmu” (Afisawa 2:1).

A cikin irin wannan hali

ba za mu taba iya shiga mulkin Allah ba.

Dole ne sai mun canja.

“Dole a sake haifuwarka.”

Wannan kalami ya fito daga bakin Dan Allah.

Sabuwar haifuwa ta Ruhun Allah wajibi ce

idan har mutum yana so ya sami ruhaniya

kuma ya dace domin zuwa gaban Allah.

Mutum ba ya iya bada wannan sabuwar haifuwa.

Haka kuma ba ta samuwa ta wurin ayyuka na addini

ko kuwa a wurin shugabannin addini.

Nikodimu — wanda Yesu ya ce wa

“Dole a sake haifuwarka” —

shi Bafarise ne mai tsananin ra'ayin addini,

basarake ne na Yahudawa,

kuma Ubangidan wasu ne a cikin Isra'ila.

Duk da haka yana bukatar a maya haifuwarsa.

Ba ya cancanci shiga mulkin Allah ba.

Cikin mamaki sai ya tambayi Ubangiji ya ce,

“Ta yaya wannan zai faru?”

Kalmomin Ubangiji Yesu suka sauko da shi

kasa daga bisa babban mukamin addini da ya ke.

Nikodimu ya gane cewa

shi mai zunubi ne, abin tausayi,

wanda ba shi da rabo cikin mulkin Allah.

Yanzu ya shirya jin abu na biyu

game da wani aiki wanda dole ne wani ya yi dominsa.

“Kamar yadda Musa ya daga macijin nan a jeji,

haka kuma dole ne a daga Dan Mutum.”

(Yohanna 3:14–15)

Za a giciye Yesu saboda zunuban masu zunubi

domin dukkan wanda ya bada gaskiya gare shi

a matsayin Mai cetonsa,

za ya sami rai na har abada.

Ruhun Allah ne yake yin aikin sabunta haifuwar

a cikin zukatan mutanen da suke gaskanta

da Mai Ceto wanda aka giciye

kuma suka karbi rai na Ruhu da zuciya daya.

Wannan ita ce ainihin ma'anar

“maya haifuwa da ruwa da kuma Ruhu.”

Lokacin da maganar Allah,

ga halin kaka-ni-ka-yi na mutum

kuma a matsayin fansar zunubi cikin giciyen Kristi,

ta soki zuciyar mutum cikin ikon Ruhu Mai Tsarki,

kuma ya gaskanta ya karya cikin zuciya —

to an maya-haifuwarsa ke nan ta wurin Ruhun Allah,

kuma an cece shi.

Ya sami sabuwar rayuwa ta ruhaniya,

ya zama wanda kwa

“tarayya da Allah wajen dabi’arsa” (2 Bitrus 1:4).

Kuma ya zama sabuwar halitta cikin Kristi.

“Tsofaffin al’amura sun shude ...

kome ya zama sabo.”

(2 Korintiyawa 5:17)

Wannan shi ne abin da wanda aka haifa daga Allah

za ya dandana.

Wadansu suna zato cewa

“haifuwa ta ruwa da Ruhu”

suna nufin baptisma ta ruwa.

Amma maganar Allah ta nuna a sarari cewa

maganar Allah, ta wurin ikon Ruhu Mai Tsarki,

tana canja mutum.

(Afisawa 5:26) — “ya kawo mu ta ruwa ta wurin kalma”

(Yakub 1:18) — “Bisa nufinsa ya kawo mu ta maganar gaskiya”

(1 Bitrus 1:23) — “Gama sake haifarka aka yi, ba ta iri mai lalacewa ba,